Plantun de Prouvènço

Pèr coumpara dos planto d'encò nostre

Najas marina & Anthoxanthum odoratum subsp. odoratum

Naïado

Najas marina

Hydrocharitaceae

Autre noum : Limoun.

Noms en français : Grande Naïade, Naïade marine.

Descripcioun :
Li naïado (limoun dins lou Perigord), soun de planto d'aigo que trachisson en coulounìo. Se recounèisson que soun eisado de roumpre e pièi qu'an de fueio qu'enganon pas (fotò). Li tijo soun proun ramificado e li flour mistoulino. Aquesto naïado a de fueio de 2 à 4 mm bourdado de dènt founso. La souleto subsp. couneigudo au nostre, ié dison marina, a proun d'espino sus si cambo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 30 à 100 cm
Fueio : costo paralèlo
Tipe bioulougico : Idroufite
Cicle bioulougico : Planto de l'an

Gènre : Najas
Famiho : Hydrocharitaceae

Ordre : Alismatales

Coulour de la flour : Verdo
Petalo : 3
Ø (o loungour) flour : 1 mm
Flourido : Estiéu

Sòu : Ca
Autour basso e auto : 0 à 400 m
Aparado : Noun
Juliet à setèmbre

Liò : Aigo - Roubino - Ribiero
Estànci : Termoumediterran à Coulinen
Couroulougi : Cousmoupoulito
Ref. sc. : Najas marina L., 1753

Erbo-pradenco

Anthoxanthum odoratum subsp. odoratum

Poaceae Graminaceae

Autre noum : Erbo-de-prat.

Nom en français : Flouve odorante.

Descripcioun :
L'erbo-pradenco trachis dins li relarg pulèu umide e au lume coume lis esclargiero de fourèst. Se recounèis à sis enflourejado qu'un cop maduro soun jauno e lusènto. Se regardas li flour veirés que li glumo soun forço diferènto, uno grosso e uno pichoto. La subsp. odorata èi lisco sus si lemma. La lengueto èi longo e bourdado de péu (fotò).

Usanço :
L'erbo-pradenco a uno bono óudour de fen sega e pòu servi pèr n'en faire de tè (vertuous contro lis espaime). Perfumo la car (cambajoun "au fen"). Pamens à forto doso la coumarino, que douno la coulour jauno, es empouisounanto (dicoumaròu -anti vitamino K).

Port : Erbo
Taio : 15 à 60(100) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Anthoxanthum
Famiho : Poaceae
Famiho classico : Graminaceae

Ordre : Poales

Coulour de la flour : Jauno
Petalo : ges
Ø (o loungour) enflourejado : 2 à 9 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Abriéu à juliet

Liò : Prado umido - Champ
Estànci : Termoumediterran à Mountagnard
Couroulougi : Éurasiatico
Ref. sc. : Anthoxanthum odoratum subsp. odoratum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Najas marina & Anthoxanthum odoratum subsp. odoratum

ges

Coumpara Naïado emé uno autro planto

Coumpara Erbo-pradenco emé uno autro planto